|
|
|
مجلة ميساء : طريقة رائعة و بسيطة في تحضير الكرداس بالطريقة المغربية و بالصور يلاه دخلو مرحبا بيكم المقادير : الكرشة مقطعة مربعات باش نعمروها اللحم + شحمة + مصارن + كرشة (اللي حبيتوا تعمرو بيه الكرداس يتقطع مربعات) تقريبا نصف كاس زيت الزيتون ملح بكمية كثيرة تحميرة (بابريكا) + شكينجبير + ابزار + خرقوم + ملون تخليطة خاصة بالقديد أو عطرية المروزية + بصلة يابسة مطحونة+ كمية وفيرة من زريعة القزبور يابس مطحون الطريقة : الكرشة مقطعة باش نعمروها باللحم القياس اللي تعمروه كرداس في اناء نضع اللحم + الكرشة اللي غنعمرو و نضيفو العطرية كاملة + زيت الزيتون + ملح بكمية كثيرة نخلطو مزيان باش تشرب العطرية كناخدو ابرة كبيرة و خيط و كنبداو نخيطو الرشة خنيشات بحال هادي (كنفضل الخيط احسن من المصارين كيجي سهل الاستعمال وكنبداو نعمرو خنيشات الكرشة باللحم اللي شرملنا ونكموا الخياطة ونسدوها كنحزموها بالخيط بهذه الطريقة و نخليو شويا الخيط طويل باش نعلقوها ملي كنكملو الكمية اللي عندنا كاملة كنعلقو الكرداس في الحبل في الشمس ونتلاقاو بعدما يبس في الشمس نحط ليكم صورته يابس و جاهز للاستعمال في عاشوراء و من غير عاشوراء ألف صحة و عافية و لأي استفسار أو تعليق مرحبا مجلة ميساء صدر رحب يرحب بالجميع |
|
