|
|
|
مجلة ميساء تقدم لكم : طريقة تحضير بولفاف بالطريقة المغربية بالصور السلام عليكم حبيباتي اليوم و بمناسبة عيد الاضحى المبارك مجلة ميساء تقدم لكم طريقة تحضير “بولفاف”، الأكلة التي لا يخلو بيت مغربي منها يوم العيد. المقادير : الكبدة الشحمة التوابل : تحميرة (بابريكا) + ابزار + تحميرة + كمون + ملح الطريقة : كناخدو الكبدة و نوضعوها فوق الشواية تنشف شويا من الدم نقلبوها على الجهة الأخرى كتجي على هاذ الشكل نقطعوها مربعات على هذا الشكل كنشرملوها في دوك التوابل مزيان من بعدما كنقطعوا الكبدة على هذا الشكل كنقطعوا الشحمة حتى هي شرائط و كنبداو نلفوا الكبدة في شرائط الشحمة بهذا الشكل حتى كنكملو اللف كنوضعوهم في الشواية فوق الفاخر حتى يطيبو من الجهتين أنا وضعت واحد الشواية ديال البصلة ومطيشة دوائر بلا عطرية حتى تشوى ورشوا الملح و الكمون حسب الرغبة كتجي على هذا الشكل ورافقت بيها بولفاف تعرفو هاذ البصلة و مطيشة مشوية كتجي بنينة ورائعة بالصحة و الراحة حبيباتي |
|
